واحد من عشرة - نجاح سلام
كلمات: محمد مسعد | الحان: فؤاد مؤمن
بتجينى يوم وتغيب عشره تملى بتخون العشرة
لو يوم حاسبتك على حبك حاديلك واحد من عشره
تفضل هاجرنى عشره ايام وتجينى يوم من بعدهم
طيب وجيت على روحك ليه ماتغيب كمان كده قدهم
ما هى القاسيه من طبعك وعليها قلبك بيطاوعك
هاجرنى ومقسى قلبك تملى بتخون العشره
لو يوم حاسبتك على حبك حاديلك واحد من عشره
ليه تسعه من عشره قاسيه بس واحد حنيه
بحلفك بعذاب قلبى لا تزود العطف شويه
ده انا قلبى من كتر آهاته ياحبيبى نقصت دقاته
هاجرنى ومقسى قلبك تملى بتخون العشره
لو يوم حاسبتك على حبك حاديلك واحد من عشره
علشان تكون اخر السنه من الناجحين فى هواها
لازم اشوف وياك هنا قلبى وعينيا ترعاهم
لو جبت مجموع فى غرامك يا حبيبى حاسعد ايامك
وهنى قلبك وانا جنبك واريحك واسعد قلبك
واديلك عشره على عشره
- 1971 -
ليست هناك تعليقات:
إرسال تعليق
ضع تعليق وشاركنا بآرائك