خد من الهوى وادى / تفتن عليك خطوتك - هدى سلطان
كلمات: عبد الفتاح مصطفى | الحان: زكريا احمد
تفتن عليك خطوتك من قبل ما تعدى
ياللى الدلال صنعتك خد م الهوى وادى
عيون تجيب الهوى للقلب لو خالى
والنظرة منها دوا لكن دوا غالى
سرق النسيم رقتك سلم عل خدى
ياللى الدلال صنعتك خد م الهوى وادى
بينك وبين الجمال فى كل يوم سيره
جه وشوشك يا غزال وسابنى للحيره
اطلب انا محبتك ما تشترى ودى
ياللى الدلال صنعتك خد م الهوى وادى
وردك يا جار الهنا فتح على سهوه
كان فى الغصون من سنه فى الحلم له غنوه
واهو طل من جنتك وجار على وردى
ياللى الدلال صنعتك خد م الهوى وادى
ليست هناك تعليقات:
إرسال تعليق
ضع تعليق وشاركنا بآرائك