يا نور العين امانة عليك - كارم محمود
كلمات: عبد اللطيف البسيونى | الحان: حسين جنيد
يا نور العين امانة عليك
تخلى هواك بعيد عنى
ده انا مش قد سحر عينيك
ولا قدك يا شاغلنى
يا نور العين امانة عليك
سمعت الناس بتتكلم
عليك والحب ماليهم
لقيت حبك لو اتقسم
على قلبوهم يفيض بيهم
وشوفت عينيك وشبكونى
ولا قدرتش على نارهم
ولما اتقابلوا فى عيونى
بقيت محتار فى اسرارهم
وهاعمل ايه علشان ارضيك
وقلبك يرضى يسعدنى
ده انا مش قدر سحر عينيك
ولا قدك يا شاغلنى
يا نور العين امانة عليك
عيونك لما تتبسم
بتشغل بال حبيب وعزول
وخالى البال هايسلم
ويصبح بالجمال مشغول
وانا وقلبى هانهرب فين
مدام مكتوب علينا هواك
ومهما تشوف وداد وحنين
مبنفكرش غير فى رضاك
وهاعمل ايه علشان ارضيك
وقلبك يرضى يسعدنى
ده انا مش قدر سحر عينيك
ولا قدك يا شاغلنى
يا نور العين امانة عليك
- 1959 -
ليست هناك تعليقات:
إرسال تعليق
ضع تعليق وشاركنا بآرائك