عيش لحبك - عادل مأمون
كلمات: عبد الوهاب محمد | الحان: بليغ حمدى
عيش لحبك خلى قلبك
للى حبك قبل منى
لا تشاغلنى ولا تجاملنى
ولا تخايلنى ولا تآمنلى
كل ده خليه فى قلبك
للى حبك قبل منى
قبل منى كان فى عمرك
حب يمكن اغلى منى
لو فى يوم تستغنى عنه
يجى يوم تستغنى عنى
بكرة تغضبنى اسيبك
لما هايعود لك حبيبك
يبقى ليه تحيرنى جمبك
خلى حبك للى حبك قبل منى
عيش لايام عشت فيها
وانت قلبى مش ناسيها
اما اشواقى وعواطفى
سيبها متلعبش بيها
قلبى مش ناقص اسية
او جراح تانية يقاسيها
سيبنى احاول انسى قربك
خلى حبك للى حبك قبل منى
- 1962 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك