حلاوتهم - فايدة كامل
كلمات: حيرم الغمراوى | الحان: محمد الموجى
حلاوتهم حلاوتهم
يا جمال ابتسامتهم
من السحر مبقدرش
اتحمل نظرتهم
ده عيون اللى بحبه ..حلاوتهم
خلونى اسير حبه .. حلاوتهم
من اول ما قابلته
وعينيه جت فى عينيا
حيانى وبادلته
بالعين احلى تحية
ولقيته على سهوة
فى قلبى من جوة
وارتاحت له روحى
ولا اعرف مين هو
وعيونه حبيتهم
ولاغونى ولاغتهم
حلاوتهم حلاوتهم
قرب لى وكلمنى
وسألنى على بيتنا
كان قصده يفهمنى
على نية خطوبتنا
من خجلى مردتشى
ومشيت ولا ضلتشى
ويوميها عرف بيتنا
ازاى انا معرفشى
راح جاب كل عيلتهم
شبكونى وحبيتهم
حلاوتهم حلاوتهم
يا جمال ابتسامتهم
من السحر مبقدرش
اتحمل نظرتهم
ده عيون اللى بحبه ..حلاوتهم
خلونى اسير حبه .. حلاوتهم
- 1966 -
ليست هناك تعليقات:
إرسال تعليق
ضع تعليق وشاركنا بآرائك