بص طل شوف - شريفة فاضل
كلمات: محمد على احمد | الحان: فؤاد حلمى
بص طل شوف
شوف الحب شوف
قلبى هانى وقلب تانى
بات شاجى ملهوف
شوف حنان الشوق برانى
شوف دمع العيون
شوف ياريته اللى هويته
فى الغرام يزول
بعد ما ملكته قلبى
فاتنى ويا ذكرى حبى
ليه ده كله مين يقوله
قدم المعروف
بص طل شوف
شوف الحب شوف
قلبى حبه وداب فى حبه
والهوى جبار
ليه بينسى وقلبى لسة
بينكوى بالنار
قلبى كان من قبله خالى
لوعت قلبى الليالى
ليه ده كله مين يقوله
قدم المعروف
بص طل شوف
شوف الحب شوف
قلبه قاسى صاحبه ناسى
كان زمان مشغول
مرة يحكى ومرة يشكى
ليله كان بيطول
ياما كان يتمنى قربى
ياما كان يحلف بحبى
ليه ده كله مين يقوله
قدم المعروف
بص طل شوف
شوف الحب شوف
ليست هناك تعليقات:
إرسال تعليق
ضع تعليق وشاركنا بآرائك