مصر السلام - محمد رشدى
كلمات: سمير الطائر | الحان: محمد الموجى
Mp3 Format - CD Quality - 6.85 MB
يا مصر يا كل وجدانى
يا موال السلام والخير
ابويا وجدى وصانى
عليكى يا بلدنا كتير
علشانك هازرع النوار
وهارسم ضحكة لولادى
واخلى الصحراء فيكى عمار
واقول وصونى اجدادى
قالوا ازرع هنا ضلة
وقابل بكرة بالاحضان
وقدم للغريب قلة
وخليك للوفا عنوان
دى ارضك ارض اجدادك
راعيها تبقى شئ تانى
يا مصر يا دنيتى ودارى
يا ارض الحب والمواويل
يا غنوة ليلى ونهارى
بشوفك فى الهرم والنيل
بلدنا ربنا يصونك
ويحميكى فى كل زمان
يا ارض الخير يا محروسة
تعيشى للسلام عنوان
اصيلة وباقية يا بلادى
حياتك فى السما قناديل
عليكى بوصى اولادى
واقول اجدادى جيل ورا جيل
قالوا ازرع هنا ضلة
وقابل بكرة بالاحضان
وقدم للغريب قلة
وخليك للوفا عنوان
دى ارضك ارض اجدادك
راعيها تبقى شئ تانى
ليست هناك تعليقات:
إرسال تعليق
ضع تعليق وشاركنا بآرائك