حلوين كده ليه - سعد عبد الوهاب واسماعيل ياسين
كلمات: ابو السعود الابيارى | الحان: محمد عبد الوهاب
حلوين كده ليه طعمين كده ليه
شبكونى بنظرة ولاد الاية
حلوين كده ليه بنات البندر
سكر على لوز يا سلام سلم
والبدر ده ايه مهما ينور
جمب جمالهم يجى مضلم
فى عيونهم ليه سكاكين تجرح
شفايفهم ليه ورد مفتح
حلويات شغل الافرانسيه
حلوين كده ليه طعمين كده ليه
قلبى خطفوه منى يا ولداه
حيران وبدور على قلبى
فى الحب رموه ورمونى معاه
والشوق زاد ولا قادر اخبى
يا بنات الناس جننتونا
سقيتونا الكاس وسكرتونا
اللى انكوى منكم سموا عليه
حلوين كده ليه طعمين كده ليه
- اغانى فيلم "بلد المحبوب" 1951 -
ليست هناك تعليقات:
إرسال تعليق
ضع تعليق وشاركنا بآرائك