هلال رمضان - عباس البليدى
كلمات: كمال منصور | الحان: عباس البليدى
هلالك فى السما نور
وعاد من تانى يا رمضان
وبدرك زاهى ومدور
وكان غايب بقاله زمان
شهور بتفوت وتطوى شهور
وطول العام بنستناك
ولما جيت ولاح النور
وكحلت العيون بثناك
حمدنا الله وكبرنا
وبيك الاهل بشرنا
وقولنا السعد وافانا
وشوفنا طلعته جانا
بخير وسلام على الاسلام
هلالك فى السما نور
نهارك طهر وعبادة
صلاة وخشوع
وليلك مدنة منقادة
ونور وشفوع
فيك المحروم بيتهنى
يا شهر الصوم
وايامك عليه جنة
وخير بيدوم
وفرح وعيد فى يوم ما تعود
هلالك فى السما نور
يا شهر الهدى والقران
هديت الكون
وجودك نفحة من الرحمن
على الصايمين
قلوبهم كلها ايمان
بحمد الله
يا هادى العاصى والحيران
لذكر الله
لتمجيده وتوحيده
هلالك فى السما نور
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك