ليه تتشائم - ثريا حلمى
كلمات: ابراهيم عاكف | الحان: على اسماعيل
ليه تتشائم وتعيش طول عمرك متشائم
عندك وسواس وتخاف من الناس
على اى اساس ولا انت قاصدها ومتلائم
اللى بيكسر كوباية الدنيا هاتعكس حاله
اما اللى تقعله مراية راح تشمت فيه عزاله
واللى يزوغ من اغلى صديق
قدمه عليه قال نحس وضيق
ووراه يكسر 100 ابريق
وان جاله البيت قال يعمل نايم
ولا انت قاصدها ومتلائم
و13 ترعشنا ونقول الشؤم راكبها
والشقة اللى تفرفشنا
سقفها بالفرد نسيبها
ولا مقص يكون مفتوح
اللى يشوفه يبات مفضوح
وهايرموه من اعلى سطوح
نفسى اقول عقبال اللايم
ولا انت قاصدها ومتلائم
اما المتعلمة جداً
ولا فيش انسان بيلومها
لو تلقى المغرب تدن
الابرة تخاف تلضمها
واللى بيكنس قال بليل
يمنع رزقه ويلقى الويل
ويعيش بقى مهدود الحيل
كل ده بس كلام ع العائم
ولا انت قاصدها ومتلائم
ليست هناك تعليقات:
إرسال تعليق
ضع تعليق وشاركنا بآرائك