ظلمنى وبكى - شفيق جلال
كلمات: محمد اسماعيل | الحان: سيد مكاوى
ظلمنى وبكى سبقنى واشتكى
ودى خصلته يدارى قسوته
بالشكوى والبكا
يوعدنى بالهنا ويفوتنى للضنا
والحيرة والاسى
وان شافنى هاهجره
يشغلنى بمنظره
ويعيد اللى اتنسى
دى دايما شكوته بتسبق شكوتى
والكدب فى دمعته بيكدب دمعتى
ودى خصلته يدارى قسوته
بالشكوى والبكا
شبابى اللى اتظلم اتجازى بالالم
فى دنيا محبته
والقلب اللى انجرح وعدته بالفرح
وامتى فرحته
دى دايما شكوته بتسبق شكوتى
والكدب فى دمعته بيكدب دمعتى
ودى خصلته يدارى قسوته
بالشكوى والبكا
- 1957 -
ليست هناك تعليقات:
إرسال تعليق
ضع تعليق وشاركنا بآرائك