موال الصبر - شفيق جلال
كلمات والحان: فولكلور
أنا بعلم الصبر يصبر على صبر حبيب جارنا
وبقول يا صبر صبرك عليه لحد يجى جارنا
إن كان غيرنا حلى و إحنا اللى مررنا
الله يهون عليهم و إحنا يصبرنا
قال يا خوخ خانونا الحبايب و إحنا لم خنا
قال يالمون لامونا العوازل واحنا لم لمنا
قال يانبق نبقى عيش وملح كان يوم بينا
قال يافل فتنا فى هواهم ليه فاتونا هما
قال يا نخل إخلى مكان و اسمع ما كان بينا
يا عود ريحان ريح قلوب سابق ريحوك هما
ياتمر حنة رحلنا وحنت بيوتنا
أنا ندرآ عليا يا دار لو عدنا كما كنا
أنا لزوقك يادار بالورد والحنة
وأجيب عزولى قصاد عينى يشاهد البنا
يا قلبى اصبر دول آخر عشرتك هما
ليست هناك تعليقات:
إرسال تعليق
ضع تعليق وشاركنا بآرائك