قد ايه واحشنى - عادل مأمون
كلمات: عبد العزيز سلام | الحان: عادل مأمون
قد ايه واحشنى يا اغلى حبايبى
قد ايه وحشانى لياليكوا الهنية
جيت لكم والفرحة طايرة جوة قلبى
والليالى الحلوة ويا الحب جاية
لما شوق قلبى ندانى
جيت لكم ورجعت تانى
جيت لكم معايا اشواقى وحبى
من زمان وانا قلبى صاين حبكم من زمان
من زمان وانا كل يوم بشتاق لكم من زمان
يوم ما فاض الشوق بقلبى جيت لكم
جيت علشان اتهنى تانى بقربكم
والليالى اه يا محلاها الليالى
لما بترجع قلبونا لحب غالى
مين هاينسى الحب ما بين الحبايب
مين هاينسى الحب غير كل خاين
السنين فاتت وفات العمر بيها
كل ثانية منها بترجعنا ليها
واللى فات كان ذكريات عايشة فى حياتنا
واللى جى احلى من الدنيا وما فيها
جابنى شوقى لما خدنى البعد منكم
جابنى شوقى وجيت لكم اتهنى بينكم
ياما كنت فى بعدى عنكم بفتكركم
ياما كانت والله وحشانى عيونكم
لما شوق قلبى ندانى
جيت لكم ورجعت تانى
جيت لكم معايا اشواقى وحبى
قد ايه واحشنى يا اغلى حبايبىى
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك