استحملت كتير - سعاد محمد
كلمات: سمير الطائر | الحان: عبد العظيم محمد
استحملت كتير وكفاية
ايوة كفاية كلام فى الحب
سنة واتنين وانا بسمع منك
بس لامتى عايزنى احب
انت مفكر ان الحب كلام وخلاص
ولا نسيت اللى انت حكيته عن الاخلاص
ده انت فايتنى لكل ملامة
والناس مبترحمش الناس
استحملت كتير وكفاية
لما قابلتك اول مرة
قولت كلام فى الحب كتير
عشمتنى فى حلاوة بكرة
صنت هواك وانا املى كبير
شيلت كلامك جوة عينيا
واستنيت وزيادة شوية
بس حكايتك فى الهوى طالت
سنة واتنين بتصبر فيا
انت مفكر ان الحب كلام وخلاص
ولا نسيت اللى انت حكيته عن الاخلاص
ده انت فايتنى لكل ملامة
والناس مبترحمش الناس
استحملت كتير وكفاية
استحملتك علشان قلبى
كان طول عمره بيتمناك
ولما لقيتك منتاش جمبى
غصب عنى هاقول بايعاك
حتى لو ابقى فى حيرتى وحيدة
ولا استنى امانى بعيدة
وانسى كلامك وانسى غرامك
وابدأ تانى بداية جديدة
انت مفكر ان الحب كلام وخلاص
ولا نسيت اللى انت حكيته عن الاخلاص
ده انت فايتنى لكل ملامة
والناس مبترحمش الناس
استحملت كتير وكفاية
ليست هناك تعليقات:
إرسال تعليق
ضع تعليق وشاركنا بآرائك