انت اللى فيهم يا قمر - محمد العزبى
كلمات: محمد العجمى | الحان: ابراهيم عشماوى
انت اللى فيهم يا قمر انت اللى فيهم
وعينيك قالولى على الهوى وانا عينى ليهم
هاطوى البلاد والليالى وهاعدى الموج العالى
ده انا سندباد والهلالى فارس عليهم
على رمشك دايبة الكحلة بتقولى للغاوى اتملى
وانا جى وشوقى غنايا غازل بالفرح هنايا
ومحوش الف حكاية وغويشة وعقد ودبلة
هاطوى البلاد والليالى وهاعدى الموج العالى
ده انا سندباد والهلالى فارس عليهم
الغاوى بيطوى جناحه
وبيغنى مساءه وصباحه
على جرحه وعلى افراحه
وان غابوا عنه احبابه
يوهب للغربة شبابه
وينول من الدنيا منابه
موال:
كل الحبايب بتشكى الا انا مرتاح
وحبيبتى دايماً بتفرشلى الطريق افراح
عايش فى خيرها وضلها مساء وصباح
وتقولى غيرها اقولك يستحيل
بلدى مصر اللى انا ابنها
وفى حضنها برتاح
امانة يا بدر كيف حالك وانا مسافر
عملوا عليك حزب فى الغربة وانا مسافر
ولا المحبة القديمة خست وانا مسافر
ده اللى انكتب على الجبين لم ينمحى
معلش يا بدر استحمل وانا مسافر
يا ليل
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك