جارى - شريفة فاضل
كلمات: محمد حمزة | الحان: منير مراد
جارى يا احلى جار
ليه ليه دايماً غدار
اه يا قلبى ليه حبايبى بيفوتونى
دول عيونى وهما روحى
كنت جارهم دوقت نارهم
من بعادهم من عنادهم من جروحى
قد ايه القلب عاش وياه زمان
كنت فارش طريقه بالحنان
ما تخلى قلبك يرحم
من دلوقتى لبكرة هاتندم
مش بيقولوا البادى اظلم
مش ممكن يوم اتصور
ان قلبك يوم يتغير
ده انت حالك حاله يغير
ليه ليه
الوم عليك ولا الوم على الزمان
واقول على مين اللى خاين ومالوش امان
وانا اللى قولت يا جارى ادى روحى
تروح الروح ويفضل لى انا جروحى
اتارى الجار صبح غدار عليا كمان زى زمان
عيش معايا للنهاية خد هنايا
وسيب قسايا وسيب لى سهدى
وان لقيتنى قلت مرة انك فايتنى
او نسيتنى حب بعدى
امتى قلبى راح فى مرة واشتكاك
ده حتى قلبى فى الخصام دايماً معاك
مش ممكن يوم اتصور
ان قلبك يوم يتغير
وانت حالك حاله يحير
ليه ليه
- 1970 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك