قدام بيت اللى بحبه - عبد العزيز محمود
كلمات: فتحى قورة | الحان: عبد العزيز محمود
قدام بيت اللي بحبه
شجرة وضلة ومعنى وهوى
وقعدت أنا واللي بحبه
على يوم ثورتنا نغني سوا
يا بوي يا بوي
جبت له منديل حلو هدية
قلت له يا جميل خد ده عيدية
وبعودة الأيام ياحبيبي
أيام الهنا والحرية
وتعيش فرحتنا يا بوي
بجهاد ثورتنا يا بوي
أكتر من روحي بحبه
يا ما خلَّى العطشان ارتوى
علقت كلوبين على بابي
وعزمت قرايبي وأحبابي
وفرحت بيوم ثورة بلدي
أكتر من يوم كتب كتابي
وفرشت الرملة يا بوي
وكويت الشملة يا بوي
ولقيت زرعي اللي بحبه
فرحان زيي وطاب واستوى
يا بوي يا بوي
قوم خلِّي تكالك على العاطي
واسبقني في همتي ونشاطي
وبلدنا بثورتنا بتعلى
وتخلِّي المستعمر واطي
عطشان وسقيتني يا بوي
وفقير وغنيتني يا بوي
ولقيت مهر اللي بحبه
ولا عاد الجرح يعوز دوا
يا بوي يا بوي
ليست هناك تعليقات:
إرسال تعليق
ضع تعليق وشاركنا بآرائك