ابو سنة دهب لولى - شريفة فاضل
كلمات: محمد مسعد | الحان: حلمى امين
يا ابو سنة دهب لولى
وعيونك فى الحب قالولى
قالولى انت بتهوانى
وليلاتى سهران علشانى
ما انا برضه قلبى بيحبك
واللى رماك فى الحب رمانى
يا ابو سنة لولى وجمالك
بيخليك بتسوق فى دلالك
وشبكنا حبك وشغلنا
ولا حدش ابداً على بالك
اضحك ضحكة تبين سنة
ولا الضحكة كتر على سنك
اضحكلى دى عينيك ضحكولى
يا ابو سنة دهب لولى
ما انا برضه قلبى بيحبك
واللى رماك فى الحب رمانى
حبيتك يا ابو قلب حنون
فى عينيك الحلوين مفتون
والضحكة يا سلام على الضحكة
لك ليها يا حبيبى فنون
اضحك ضحكة تبين سنة
ولا الضحكة كتر على سنك
اضحكلى دى عينيك ضحكولى
يا ابو سنة دهب لولى
ما انا برضه قلبى بيحبك
واللى رماك فى الحب رمانى
اللى انت عنى مداريه
رمشك الاسمر قالى عليه
وعيونك بتقولى كلام
انا وحدى فاهمة معانيه
اضحك لى يا ابو رمش طويل
بيبوس الخدين ويميل
بتخبى وعينيك فتنولى
يا ابو سنة دهب لولى
ما انا برضه قلبى بيحبك
واللى رماك فى الحب رمانى
يا ابو سنة دهب لولى
- 1967 -
ليست هناك تعليقات:
إرسال تعليق
ضع تعليق وشاركنا بآرائك