بيغير موت - شريفة فاضل
كلمات: محمد مسعد | الحان: محمد عبد العليم
بيغير موت لما يشوف حد يكلمنى
بيغير موت وغيرته دى هاتجننى
وليه تملى عليا يغير
مع ان حبه فى قلبى كتير
بيغير موت لما يشوف حد يكلمنى
صحيح انا حلوة اوى وامورة
لكن عاقلة ومش مغرورة
بسمع كلامه واصون غرامه
وفى عشه زى العصفورة
فى حبنا متهنيين
وليه يغير ويغير من مين
وليه تملى عليا يغير
مع ان حبه فى قلبى كتير
بيغير موت لما يشوف حد يكلمنى
يغير يغير مقولتش حاجة
بس غيرته تكون معقولة
وليه بيغير من كل حاجة
وانا طول عمرى به مشغولة
فى غيرته دى ملوش حق
وغلبت اقوله الغيرة دى لا
وليه تملى عليا يغير
مع ان حبه فى قلبى كتير
بيغير موت لما يشوف حد يكلمنى
قلبى ليل ونهار مفتوح له
واخاف نار الغيرة تروحه
وتدوب حبه اللى فى قلبى
يا مين يروح يقوله يهدى شوية
ويسيبه من الغيرة دى هى
احسن يخسر عطفى وحبى
وليه تملى عليا يغير
مع ان حبه فى قلبى كتير
بيغير موت لما يشوف حد يكلمنى
ليست هناك تعليقات:
إرسال تعليق
ضع تعليق وشاركنا بآرائك