حياتى فى الهوى غنوة / احب الحب - عبد العزيز محمود
كلمات: محمد حامد على | الحان: عبد العزيز محمود
حياتي في الهوى غنوة
بنغمة املي اغنيها
الاقي دنيتى حلوة
نور الحسن ماليها
احس بمعنى لشبابى
واغنى لكل احبابى
اغانى الحب والنجوى
حياتي في الهوى غنوة
افوت على الورد تتبسم
تميل بالعطر وتسلم
اشوف فيها ربيع عمرى
نغم بالحب بيقسم
وبين النغمة والنظرة
اعيش بالفرحة مع بكرة
احب الحب من ذاته
احب فى كل اوقاته
ومهما قلبى شاف منه
بيحلف برضه بحياته
ده عود والقلب اوتاره
ده بحر وروحى تياره
يا بدر يا عالى يا منور
يا هايم فى الفضا مدور
انا زيك بقالى زمان
فى سر الحب متحير
لكن بعشق انا حيرته
وليل ونهار اجيب سيرته
حياتي في الهوى غنوة
بنغمة املي اغنيها
الاقي دنيتى حلوة
نور الحسن ماليها
احس بمعنى لشبابى
واغنى لكل احبابى
اغانى الحب والنجوى
حياتي في الهوى غنوة
ليست هناك تعليقات:
إرسال تعليق
ضع تعليق وشاركنا بآرائك