سامح يا قلبى - احلام
كلمات: حسين السيد | الحان: منير مراد
سامح يا قلبى وانسى يا قلبى
ولو ان جرحك عمره سنين
لو مانسامحش اغلى حبايبى
امال يا قلبى نسامح مين
الليالى اللى احنا عشناها سوا
والامانى الحلوة فى حضن الهوا
فاكر يا قلبى عشنا فيها قد ايه
فاكر الشوق كان بيعمل فينا ايه
ده احنا كنا نقول يا بكرة
يسبق الفجر الغروب ويجى بكرة
والشمس تنزل جمب منا وتترسم
والورد قبل ما معاده يصحى ويبتسم
وحاجات كتير لما افتكرها بين الجراح
جرحك يا قلبى بسمع اهاتى بتقول سماح
سامحه يا قلبى وانسى يا قلبى
ولو ان جرحك عمره سنين
يا قلبى مالك حبيبى جالك
بيقول سامحنى مش راضى ليه
انا سامحته ونسيت قساوته
وانت يا قلبى مستنى ايه
جانا الحب وفرش الورد
وبيصحبنا ويمسينا
واهو على الباب بيقول يا اهل الله
سماح النوبة ردوا علينا
ايامنا الحلوة بتستناه
وازاى ارجع احب الدنيا معاه
بقى يجى لحدنا نقسى عليه ونرد الباب
ولما يبعد عننا نتمنى يوصل منه جواب
سامحه يا قلبى وانسى يا قلبى
ولو ان جرحك عمره سنين
ليست هناك تعليقات:
إرسال تعليق
ضع تعليق وشاركنا بآرائك