من خد وادى صار المال ماله - ثريا حلمى
كلمات: سعد عبد الرحيم | الحان: عزت الجاهلى
من خد وادى صار المال ماله
والامثال بتقول خد وادى
والعايز لو يرتاح باله
تنفك الازمة وبتعدى
لما تقول لواحد سلفنى
وادالك مش كتر خيره
ليه لما يطالبك تتهرب
وتدور على واحد غيره
وتزوغ ساعة ما يزورك
وان قفشك ليه تفتح زورك
يبقى ده جى يطلب ماله
وتزفه وتقوله وماله
واللى فى ساعة الزنقة يغيثك
وبماله ينجيك من ورطة
ويفوت شهر وخمسة وعشرة
وتكسل تركبله محطة
اهو ده الشفط اللى على اصوله
واما تشوف النوع ده قولوله
النتاش بيته ميعلاش
وكفاية تسموه بكاش
وانت يا سيدنا ياللى تمللى
يبقى معاك المال وتدارى
وبتتسلف من ده ومن ده
مرة بذوق واربعة اجبارى
واما يطالبوك الديانة
تتنرفز وتقول دى اهانة
اهانة ايه خليها على الله
يعنى فى دفع الحق اسم الله
- 1969 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك