ميل يا جميل - سيد اسماعيل
كلمات: محمود اسماعيل جاد | الحان: سيد اسماعيل
ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل
عاهدتنى على الوفا اول ما حبيتك
بينى وبينك صفا عمرى ما جافيتك
تعطف عليا واعطف عليك
وتحن ليا واميل اليك
وبعد ده تعاتبنى وتلوم مع اللايمين
هو انت زعلان منى ولا احنا متخاصمين
ميل يا جميل
مكانش ودى كده وانت امل حبى
هو كلام العدا نساك هوا قلبى
ده انت نعيمى وانت الحياة
ولجرح قلبى حبك دواه
لما انت بتكدبنى امال تصدقنى
هو انت زعلان منى ولا احنا متخاصمين
ميل يا جميل
نظرة عيونك امل يسعدنى فى دنيتى
وانا بهواك اكتمل سعدى وكان فرحتى
متكونش قاسى خليك حنون
ده انت يا غالى نور العيون
ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل
- 1958 -
ليست هناك تعليقات:
إرسال تعليق
ضع تعليق وشاركنا بآرائك