ناس ليها بخت - عليا التونسية
كلمات: بخيت بيومى | الحان: حلمى امين
حتى القلب اللي إرتحنا له فاتنا يا قلبي
يا قلبي وراح، راح، راح ولا جاش
ياما فيه ناس بتلاقي نصيبها
واحنا يا عيني ما بنلقاش
هو ده طبع الحب يا قلبي
ناس ليها بخت وناس ملهاش
أول قلب في عمري قابلته وبإخلاص طاوعت هواه
من حنية قلبي الطيب لف الدنيا بحالها وراه
ويغني له أحلى كلام، أحلى كلام في الحب إنقال
ونصحي له الليل في عينيّ، الليل في عينيّ ليالي طوال
ويتوهني في دينا بعيدة، بعيدة، بعيدة
ويرجعني بجرحي وحيدة، وحيدة، وحيدة
ما طلناش من حبه يا قلبي غير الدمعة والتنهيدة
وقولنا حانلقى معاه قسمتنا قلنا حانفرح ما فرحناش
ياما فيه ناس بتلاقي نصيبها
واحنا يا عيني ما بنلقاش
هو ده طبع الحب يا قلبي
ناس ليها بخت وناس ملهاش
يا فايتني في البعد لويلي لدموع بذوب، مناديلي
لما إنت تغيب من أيامي
طب إيه من الدنيا اللي باقي لي
ياما ناس كثير قبلنا عاشوا الهوى تفاريح
صبحوا في يوم زينا، من حبهم مجاريح
بعد ده كله حقولكم إيه
ده اللي في قلبي كفاية عليه
لكن بس عشان حبيته آخر أمل، أتعلق بيه
كل الناس في الحب إرتاحوا وإحنا تعبنا وما إرتحناش
ياما فيه ناس بتلاقي نصيبها
واحنا يا عيني ما بنلقاش
هو ده طبع الحب يا قلبي
ناس ليها بخت وناس ملهاش
ليست هناك تعليقات:
إرسال تعليق
ضع تعليق وشاركنا بآرائك