كلمنى يا قمر - ليلى مراد
كلمات: حسين السيد | الحان: احمد صدقى
كلمني يا قمر فهمني ياقمر
جمالك ليه ظـهر الليله يا قمر
دي نجومك يا سما بترقص في السما
بقالي كام سنه ما شوفتش حسنها
واشمعنى ياترى الليله ياترى
نجومِك في الفضا طالتني وطلتها
يا هل ترى دا خيال في العين
فات عالعيون وسرح بيهم
ولا الجمال صادف روحين
فرح الوجود من معانيهم
ما تقولي يا قمر فهمني ياقمر
جمالك ليه ظـهر الليله يا قمر
ياواهب الفنان بالروح وبالوجدان
أمَلي من الحرمان غنيتو لك وحدك
ياللي خلقت الليل لعيون تقول ياليل
قولي نجوم الليل كاتبالي ايه عندك
يا هل ترى دا جمال ح يدوم
وح أشوفو ويشوفني تاني
ولا الآمال ح تنام وتقوم
والاقيها رايحه و فايتاني
ما تقولي يا قمر فهمني ياقمر
جمالك ليه ظـهر الليله يا قمر
- من اغانى فيلم "حبيب الروح" 1951 -
ليست هناك تعليقات:
إرسال تعليق
ضع تعليق وشاركنا بآرائك