يا حبيبى يا قمر - فايزة احمد
كلمات: عبد الرحيم منصور| الحان: محمد الموجى
يا حبيبى يا قمر ياللى واخد على السهر يا قمر
لك كتير مازورتنيش يعنى طال بيك السفر
يا حبيبى يا قمر
شوف كده يا ابو الحنين ياللى بيك عمرى ابتدى
بندهك ويا السنين بس مشبعتش ندا
النجوم شوقى وقلبى لك سما
والربيع قرب علينا إنما
فات عليا ما حس بيا فينك انت يا نور عينيا
يا حبيبى يا قمر
قولى ايه ناقصك هنا الحنين ولا الهنا
قلبى ده اللى وهبتهولك ما يحلالوه الغنا
قولى ايه لو كان بعيد انا اقربه
الليالى بعدك انت اتغربوا
لفوا ياما تعبوا ياما امتى تيجى بالسلامة
يا حبيبى يا قمر
شوقتنى ليك حاجات قلبى خادنى من سكات
ده احنا ملحقناش يومين ده احنا مفرحناش ساعات
لو تجينى افكرك بحاجات كتير
بالطريق والبحر والنجم الحرير
بالمنامة وابتسامة بس تيجى بالسلامة
يا حبيبى يا قمر
- 1968 -
ليست هناك تعليقات:
إرسال تعليق
ضع تعليق وشاركنا بآرائك