والله احلويتى يا صبية - محمد رشدى
كلمات:عبد الرحيم منصور | ألحان: حلمى بكر
عيبة عليا إن قلت وحدانى
من كتر شوقى الوحدة نسيانى
الريح دي خيلى وغنوتى السمرا
بدرتها بعترتها عناقيد امل خضرا
والناي في ايدي لعبتى ومشواري
والقعدة من الدوار لعبة الامراء
يا نيلى يا نيلى وابعت لك سلام مع مين
سلامى في محرمة وسلامى في منديل
سلم عالحباني ياللى معدى سلم عالحبانى سلام باليدى
يا مراكب لفى ودورى ولفى دى الشمس شعورها على كفى
لفى وهاتى الحبان مبقاش بستان عطشان
وانا كنت وسيع البال عديت عالشوك والمية
م النجمة غزلت شال لجل ما ألفه بإيديه
والله احلويتى يا صبية واحلوت بلدى في عينى
يا حمام يا ابو المراسيل يا حمام ماتنامش الليل يا حمام
سامع يا حمامى سامع شوف القلع اللى جى
وإن كنت حبيبى راجع ارميلى الحب ضى
سرجت الخيل يا حمامى حنيت الليل بكلامى
بستانى طاب من شوقى وصل للحلو سلامى
والله احلويتى يا صبية واحلوت بلدى في عينى
ليست هناك تعليقات:
إرسال تعليق
ضع تعليق وشاركنا بآرائك