ولا يا ولا - عبد الغنى السيد
كلمات: ابو السعود الإبيارى | ألحان: محمود الشريف
ولا يا ولا ارحمنى يا ولا والنبى
يا ولا
ع الطبلة والصفارة ارقصى يا قمرة يا قمارة
ع الطبلة والصفارة ارقصى يا قمرة يا قمارة
خلي الناس تبقى سكارى من العشق
يباتوا حيارى
ويقولوا يا ولا ما عشقنا يا ولا
واشتقانا يا ولا
ضحكة سنتها يا ولا
بتزيد القلب لهيب
وجبينها بياضه يا ولا
ده لبن صباحي حليب
وإيديها يا ولا وعنيها يا ولا .. كلها يا ولا
وإيديها يا ولا وعنيها يا ولا .. كلها يا ولا
يابتاع التفاح لون تفاحك راح فى خدود ست الكل
يابتاع الياسمين مين يندهلك مين؟ واحنا معانا الفل
يابتاع الرمان رمانك غلبان بص علينا وطل
دى حورية يا ولا ولولية يا ولا وغازية يا ولا
اه يا ولا يا ولا ارحمنى يا ولا والنبى يا ولا
- من اغانى فيلم "شارع محمد على" 1944 -
ليست هناك تعليقات:
إرسال تعليق
ضع تعليق وشاركنا بآرائك