يا حبايبى يا غايبين - فريد الأطرش
كلمات: مرسى جميل عزيز | ألحان: فريد الأطرش
يا حبايبي يا غايبين .. وحشني يا غاليين
لو
اغمض وافتح .. والاقيكم جايين
يا حبايبي من يوم ما بعدنا .. ولا شئ في الدنيا بيسعدنا
ولا وردة بتزوق بيتنا .. ولا شمعه بتنور عيدنا
يا حبايبي ايامي فداكم .. ينساني الفرح لو انساكم
واللهي وكمان واللهي .. انا صبح وليل بستناكم
يا حبايبي وحشتوني تعالوا ..مطرحكم لسه على حاله
بستنى يا حلويين .. يا حبايبي يا غاليين
لو اغمض وافتح .. والاقيكم جايين
ياللي حياتي عشانكم حزن وايام اصعب من لياليها
كل جراح البعد قاسيتها وكل الام الشوق بقاسيها
يا حياة قلبي .. يا كل حبايبي .. أزاي يجرى ده كله لقلبي
والقى الناس كلها حوليا .. إلا أعز حبايبي
يا حبايبي وحشتوني تعالوا ..مطرحكم لسه على حاله
بستنى يا حلويين .. يا حبايبي يا غاليين
لو اغمض وافتح .. والاقيكم جايين
- من أغاني فيلم نغم في حياتي 1975 -
ليست هناك تعليقات:
إرسال تعليق
ضع تعليق وشاركنا بآرائك