مفيناش من قولة اه - هدى سلطان
كلمات: سيد مرسى | الحان: محمد فوزى
يا مقضى العمر ده كله
فى غرامك وفى ذكراه
لو صادفك حبك قوله
مفيناش من قولة اه
ياما غيرك فكر قبلك
راح يسعد قلبه بروحه
وحياتك لو هايقابلك
اشرح له الحب ونوحه
احكيله عذابك كله
والوجد ونار شكواه
وان قالك احبك قوله
مفيناش من قولة اه
روح قوله يا ضى عينيا
فكر قبل ما توعدنى
لا فى يوم هاتشوف حنية
ولا يوم هاتقولى اسعدنى
هاتدوق الهجر وذله
والفكر وكتر قساه
وان قالك احبك قوله
مفيناش من قولة اه
انا زيك قضيت عمرى
فى غرامى اللى اتمنيته
اخرتها احتار فى امرى
وجنيت اللى انت جنيته
خدعونى بورده وفله
والشوق خبوه فى بهاه
نسونى رجعت اقوله
مش ممكن ادارى الاه
قوله قوله مفيناش من قولة اه
- 1957-
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك