وفر مراسيلك - وردة
كلمات: إسماعيل الحبروك | ألحان: محمد محسن
وفر مراسيلك وفر مراسيك
قلبي اللي جرحتو ولايوم فرحتو
ولا يوم ريحتو حالف ما يجي لك
حالف ما يجيلك مايجيلك
توبنا توبنا عن غرامك والله توبنا
لا إحنا ح نلومك ولا أنت تعاتبنا
كل واحد .. خد نصيبه .. من حبيبه ولسة يامه
وأحنا خدنا دمع منك ..وأنت خدت الإبتسامه
ليه أجيلك ليه ليا عندك إيه
قلبي اللي جرحته ولايوم فرحته حالف ما يجيلك
علمتنى ايام جفاك انساك يا قاسى
جى تملى الكاس خلاص ما كسرت كاسى
شوفت جمبك ويل وليل مالهوش نهاية وانت ادرى
كل ما اسال عن نصيبى من هوايا تقولى بكرة
ليه أجيلك ليه ليا عندك إيه
قلبي اللي جرحته ولايوم فرحته حالف ما يجيلك
ياما قلبى شاف قسى وعذاب وحيرة
وياما شاف وياك هوان ولا جابلى سيرة
لا كفاية عذاب عليا خدت اكتر من نصيبى
قلبى عمره ما هان عليا هان عليك واسمك حبيبى
ليه أجيلك ليه ليا عندك إيه
قلبي اللي جرحته ولايوم فرحته حالف ما يجيلك
- 1977 -
ليست هناك تعليقات:
إرسال تعليق
ضع تعليق وشاركنا بآرائك