حب الوطن فرض عليه
أفـديه بروحـي وعينيه
ليه بس ناح البلبل ليه
فكرني بالوطن الغالــي
قضيت أعز شبابي فيه
وفيه حبايبــي وعزالــي
وإن شاف هوان وإلا أسية
أفديـه بروحـي وعينيه
يا مصر أنا رضعت هواك
من الصبا وجرى فــدمـي
أحب نيلك وسماك
أنت أبويــا إنـت امي
أرواحنا وشبابنا فداك
وفداكي روحـي وعينيه
ماليش يا مصر حبيب غيرك
أميل إلـيــه فى الدنيـا دي
ونا اللى متربي فى خيرك
وإزاي راح أنسي هوا بلادي
ونيلك الحلو الصافي
أفديــه بروحـي وعينيه
حب الوطن فرض عليه
ومن يلومني فى حبه ده مين
ده ورده أحلي فى عنيه
من كل ورد تشـوفه العـين
يا يعيش كريم يا يموت كريم
حب الوطن فرض علي افديه بروحي وعنيه
- 1933 -
ليست هناك تعليقات:
إرسال تعليق
ضع تعليق وشاركنا بآرائك