ياللى جمالك عجب - محمد قنديل
كلمات: عبد المنعم السباعى | ألحان: محمد فوزى
ياللي
جمالك عجب.. يعجب ويتعاجب
شفت ف هواك العجب.. وبرضه مش عاجب
يا للي جمالك عجب..
لما هوانا انكتب رضينا بالمكتوب..
والحب له 100 سبب وله نعيم وهموم
بعدنا عن ذنبه.. والقلب ايه ذنبه
يفوتوا للي انكتب
يا للي جمالك عجب..
داري جمال رقتك.. وخبي سحر عينيك
يا للي الهوى لعبتك.. يا خوفي منه عليك
يلعب بقلبك يوم.. تنسى الهنا والنوم
هو الهوى يتغلب؟
يا للي جمالك عجب..
ظالمني ليه وياك .. وفين حنان قلبك
انا اللي بختي معاك .. زي الهنا في حبك
قليل ومش دايم .. شمت ليه اللايم؟
ما تقولي ايه السبب
يا للي جمالك عجب..
ليست هناك تعليقات:
إرسال تعليق
ضع تعليق وشاركنا بآرائك