يفيد بايه الانين - فريد الاطرش
كلمات: عبد العزيز سلام | الحان: فريد الاطرش
يفيد بأيه الانين من بعد حيرتى فى هواك
كان لي بخت ف مين لما القى بختي معاك
شفتك ما بين الحبايب وقلت انت النصيب
صبحت انت صاحب وكنت اوفى حبيب
ملكتك قلبي ووهبتك روحي
وهديتك حبي ورضيت ليه ينوحي
فايتنى اشكي لمين بعدك وظلم جفاك
بنيت وعليت مكانك بين النجوم والسحاب
وعشــــت ويا زمانك بيوم هنا ويوم عذاب
كنت انت لوحدك عايــش مع فكري
والقلب فداك ده انت حبيب عمري
دلوقت ليه العين بكيتها بعد صفاك
ياقلبى هوّن اساك وعيش خلّي البال
مادام حبيبك جافاك وباع هواك بالمال
إنساه يا قلبي ما دام قلبه لغيرك مال
ليه بس حتعيش حزين ع اللي غدر بهواك
- اغانى فيلم "ازاى انساك" 1956 -
ليست هناك تعليقات:
إرسال تعليق
ضع تعليق وشاركنا بآرائك