عزيزة - شفيق جلال
كلمات: مأمون الشناوى | الحان: رؤوف ذهنى
[Concert] Mp3 Format - High Quality - 5.44 MB
مش كده أبداً يا عزيزة
احنا الاتنين م الجيزة
والعيشة فى بعدك مرة
والعيشة معاكى لذيذة
مش كده أبداً..
يا عزيزة يا غالية عليا
يا أغلى من ضى عينيا
تتغير كل الدنيا
وقساوتك زى ما هيا
مين يعمل كده فى حبيبه
ولا يسأل عن تعذيبه
ده المهر الغالى أجيبه
لو كان ميت ألف بريزة
لا انا طالب قربك منى
ولا طايق بعدك عنى
وانا اعمل ايه يا عزيزة
للشوق اللى مجننى
من يوم ما شغلنى هواكى
والقلب احتار وياكى
ودموعى بتجرى وراكى
ودموعى عليا عزيزة
مش كده أبداً..
- 1966 -
ليست هناك تعليقات:
إرسال تعليق
ضع تعليق وشاركنا بآرائك