رايحين على فين - مها صبرى
كلمات: اسماعيل الحبروك | الحان: سيد اسماعيل
واخدين قلبى ورايحين على فين
واشوفكوا امتى واهنى العين
ما صابتنا يا عين فى حبنا عين
رايحين على فين
رايحين على فين يا حبايب الروح
فايتنى لمين وانا كلى جروح
وان خبى القلب دموعه تبوح
بحنينى وشوقى للغايبين
ما صابتنا يا عين فى حبنا عين
رايحين على فين
واحشين قلبى واحشنى كتير
يا جمال ايامى يا نور يا عبير
انا بدى القاكم بدى اطير
للجنة ونورها على جناحين
ما صابتنا يا عين فى حبنا عين
رايحين على فين
انا بينى وبين الايام ايه
بتحاسب دايما قلبى عليه
طالت شكوى وان قولت اواسيه
راح اجيب الصبر لقلبى منين
ما صابتنا يا عين فى حبنا عين
رايحين على فين
ليست هناك تعليقات:
إرسال تعليق
ضع تعليق وشاركنا بآرائك