احنا عشاق النور - محمد فوزى وعزيز عثمان
كلمات: مأمون الشناوى | الحان: محمد فوزى
احنا عشاق النور
احنا احباب الليل
عايشين فى الدنيا زهور
اغصانها عشق وميل
غطانا وفرشنا الارض والسماء
والدنيا عندنا وطننا والحمى
نروح ويا النسيم ما يروح
مع المتهنى والمجروح
الحب فى دمنا مالناش عنه غنى
جميل يا ناس مفيش منه
جمال الدنيا فى فنه
اسرت الروح بنظرة عين
سحرت القلب بالثانية
وتاه العقل بين الاتنين
ولف فى حبك الدنيا
وقال مفيش غنا عنه
جميل يا ناس مفيش منه
دلونى حبيبى فين
غاب عنى بقاله يومين
غاب عنى ما قالى عواف
ولا قالى يغيب كام يوم
وانا قلبى عليه خواف
من يومها ما دوقت النوم
ولا نامت دموع العين
دلونى حبيبى فين
حالاً حالاً لازم ادلك
لو فى المريخ راح تنزلك
لو فى الارض السابعة تعودلك
ياللى هجرت الحبيب
تخونك العشرة
خليتى قلبه فى لهيب
وروحه فى حسرة
ليه تفوتيه ذنبه ايه
طالب ودك حنى عليه
تعلالى يا نور العين
ما تقولى كنتى فين
فايتانى ورايحة لمين
يا حياتى يا روح الروح
ده ليالى الهجر سنين
قضيتها فى دمع ونوح
- اغانى فيلم "ابن للايجار" 1953 -
ليست هناك تعليقات:
إرسال تعليق
ضع تعليق وشاركنا بآرائك