يا اسكندرية - عبد الغنى السيد
كلمات: محمد على احمد | الحان: محمود الشريف
يا اسكندرية حبك ندانا
امانة وصى موجك امانة
وصيه عليا يا اسكندرية
يا اسكندرية عاطر سلامى
مكتوب عليا يزداد هيامى
واجيلك اشرح مقدار غرامى
ومن جمالك اكحل عينيا
فوتنا الاحبة والناس وجينا
طبع المحبة غالب علينا
جايلك وقصدى انسى اللى بيا
وصيه عليا يا اسكندرية
يا اسكندرية بسأل تملى
والشوق غالبنى والحلو مال لى
ياما نفسى احكى واكتب واملى
والمرسى ازوره ينظر اليا
يا اسكندرية حبك ندانا
امانة وصى موجك امانة
وصيه عليا يا اسكندرية
- 1955 -
ليست هناك تعليقات:
إرسال تعليق
ضع تعليق وشاركنا بآرائك