الرجالة صنفين - سيد الملاح
كلمات: حسين طنطاوى | الحان: سيد الملاح | توزيع موسيقى: عطية شرارة
الرجالة صنفين هاوصفهم لك الاتنين
صنف بيدخل بيته مكشر يملى البيت هم واحزان
والتانى يضحك ويهزر يضحك بيته هو كمان
وانا بسأل وبصوت حيانى
انت الاول ولا التانى؟
الاول اولاده تشوفه
تهرب منه فى اى مكان
يدخل كل البيت يتألم
يخرج يبقى البيت فرحان
والتانى اولاده تشوفه
تجرى وتاخده بالاحضان
يدخل كل البيت يتبسم
يخرج يبقى البيت زعلان
وانا بسأل وبصوت حيانى
انت الاول ولا التانى؟
قول للأول والله القسوة
اكبر غلطة فى التربية
يطلع ابنك يكره اهله
ومعقد ومالوش شخصية
قول للتانى انت بتكسب
حب ولادك بالحنية
ومدام ابنك قلبه يحبك
يطلع راجل مية المية
وانا بسأل وبصوت حيانى
انت الاول ولا التانى؟
- 1984 -
ليست هناك تعليقات:
إرسال تعليق
ضع تعليق وشاركنا بآرائك