احنا النهاردة ايه - فايزة احمد ومحمد سلطان
كلمات: محمد حمزة | الحان: محمد سلطان
فايزة : إحنا النهارده إيه ؟؟
سلطان : يومنا إللي عايشين فيه
فايزة : لا بس قوللي عليه
سلطان : وشاغله روحك ليه
النهارده الفرح يوعدنا ولا يوم يقدر يبعدنا
فايزة : وإن جه عذول بينا الإتنين
سلطان : بس قوليلي ح يجي منين
فايزة : خايفة الفرحة تروح بثواني
يستكترها عليا زماني
سلطان : مش قلتلك ماتفكريش
عيشي النهاردة ولا تبعديش
ولا تسأليش النهارده إيه وعيشي يومك عيشي فيه
صدقيني
فايزة : مصدقاك
سلطان : ح تسأليني
فايزة : مش سألاك
طول مانا هنا وياك ... ح أنسى الأيام وأفضل فكراك
سلطان : صدقيني
فايزة : مصدقاك
سلطان : ح تسأليني
فايزة : مش سألاك
- المسلسل الاذاعى "اعلنت عليك الحب" 1979 -
ليست هناك تعليقات:
إرسال تعليق
ضع تعليق وشاركنا بآرائك