يا واد يا سمارة - فايدة كامل
كلمات: اسماعيل الحبروك | الحان: محمود الشريف
يا واد يا سمارة
يا فايت دموعى من خدى حيارى
يا فايت ضلوعى فى نارى سهارى
كفاية شطارة يا واد يا سمارة
تعدى عليا ما تسأل عليا
ولا عينيك يا خاين ترد التحية
واحلف لاخصامك يا واد يا سمارة
ولا انطقش اسمك يا واد يا سمارة
واشوفك اسامحك وانسى اللى بيا
واقول يا سمارة كفاية شطارة
فايتنى لحيرتى ونارى وظنونى
مخاصم مصالح يا ناس فهمونى
مخصام اصالحك وغلطان اسامحك
وترجع تنور حياتى وعيونى
واقول يا سمارة كفاية شطارة
يا قاسى يا ناسى عهود الغرام
كفاية معاتبة وحشنا الكلام
وايه اللى نابنا هايدبل شبابنا
وهايروح علينا فى ذل وخصام
واقول يا سمارة كفاية شطارة
يا واد يا سمارة
ليست هناك تعليقات:
إرسال تعليق
ضع تعليق وشاركنا بآرائك