الشعب / احنا جماهير الوطن - عبد العزيز محمود
كلمات: نبيل الفكهانى | الحان: عبد العزيز محمود
Mp3 Format - CD Quality - 5.12 MB
احنا جماهير الوطن اللى انكتب له الخلود
يخضع لثورتنا الزمن ونهز بايدينا الوجود
نصنع مصيرنا بالجهاد وبدمنا
نكتب تاريخنا فى صحايف مجدنا
احنا ابناء جمهوريتنا العظيمة القائدة
احنا اللى ارواحنا نشيلها على الكفوف لجل الفدا
احنا اللى بتزيدنا المحن قوة وصلابة على الزمن
احنا جماهير الوطن
ماضينا والدنيا غارقة فى الظلام
حاضرنا نهضة كبرى تتحدى الزوال
واحنا اللى راح نحمى العروبة والسلام
واحنا على الخط الامامى فى النضال
كل واحد فينا فى ايديه السلاح
كل واحد فينا مارد فى الكفاح
نمشى فوق نار الحريق ما يهمناش
نمشى على الشوك والصخور متردناش
نمشى فى البحر الغريق ميهزناش
احنا ابناء جمهوريتنا العظيمة القائدة
احنا اللى ارواحنا نشيلها على الكفوف لجل الفدا
احنا اللى بتزيدنا المحن قوة وصلابة على الزمن
احنا جماهير الوطن
ثورتنا قامت غيرت مجرى حياتنا واتحققت احلام كتيرة
ثورتنتا بتعوض لنا كل اللى فاتنا ونسابق الامم الكبيرة
وايدينا فى ايدين الشعوب الحرة من اجل السلام
واشتراكيتنا مبدأنا اللى راح نمشى عليه
وفى كل يوم لينا فى طريق المجد خطوة للامام
واتحاد كل العرب اغلى امل نسعى اليه
ورايتنا عالية فى السماء نفديها بالروح والدماء
احنا ابناء جمهوريتنا العظيمة القائدة
احنا اللى ارواحنا نشيلها على الكفوف لجل الفدا
احنا اللى بتزيدنا المحن قوة وصلابة على الزمن
احنا جماهير الوطن
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك