هاتوا الفوانيس يا ولاد - محمد فوزى
كلمات: نبيلة قنديل | الحان: محمد فوزى
Mp3 Format - High Quality - 5.12 MB
هاتوا الفوانيس يا ولاد
هانزف عريس يا ولاد
هيكون فرحه تلاتين ليلة
هنغني ونعمل هليلة
وهنشبع من حلاوياته
هاتوا الفوانيس يا ولاد
كل حبايبه راح يعزمهم متواعدين وياه
هيفطرهم ويسحرهم والخير جايبه معاه
هنغير ريقنا على خشاف
والفول راح يتاكل حاف
وكنافة وقطايف بيضا
يا ولاد والله سنتكم بيضا
والصايم يديه حسناته
هاتوا الفوانيس يا ولاد
م العشا راح تتلم صحابنا
ونروح كل مكان
ونغني على نور فوانيسنا يا بنت السلطان
ويا بخت اللى يصالح صاحبة
ويسبق بالخير ويروحله
ان شالله ما يقطع لنا عادة
ويعوده عليكم في سعادة
واللى يزكيله جناته
هاتوا الفوانيس يا ولاد
على صوت الطبلة يصحينا
ينادينا بحنان قوم صلي
على الهادي نبينا
يلا اصحى يا نعسان
يا صايم قوم وحد ربك
من غيره يعزك ويحبك
وما تنسوش يا ولاد العيد بعده
هيجي بلبس جديد
واللى يصلي يشوف كراماته
هاتوا الفوانيس يا ولاد
ليست هناك تعليقات:
إرسال تعليق
ضع تعليق وشاركنا بآرائك