زى الطير - سعاد محمد
كلمات: بخيت بيومى | الحان: رياض البندك
زى الطير يا حبيبى بتهجر زى الطير
وتبيع ناسك بعد ما تكبر زى الطير
بعد ما طير ما طلعلك ريش
تنسى العشرة وتنتسى العيش
مهما تلف الدنيا يا طيرى
مش هاتلاقى حنين غيرى
بعد ما كان الهوى غنيوتى اللى بقولهالك
واغلى امانى الدنيا بجيبها واقدمهالك
بعد ده كله تسيبنى وتمشى
وتبيع ودى وتهجر عشى
وافضل طول الليل سهرانة
من اللى فى قلبى بقول اه يانا
وابقى فى نار وعذاب ولا اقولشى
شوفت ازاى متتصورشى
يوم ما تهون العشرة عليا
القى هوايا معاك ميهونشى
وبتغدر بى وتجرح قلبى
بعد ما طير ما طلعلك ريش
تنسى العشرة وتنتسى العيش
مهما تلف الدنيا يا طيرى
مش هاتلاقى حنين غيرى
انا مقدرش اعيش لك تانى
ولا اجيب سيرتك يوم بلسانى
قلبى خلاص علمته القسوة
ينسى الناس اللى بتنسانى
ليه اتألم ليه استنى
وابقى فى نار واحلم بالجنة
من دلوقتى خلاص هانساك
وانسى ايام قضيتها معاك
وان يوم جيتنى واترجتنى
مش معقول هارجع لهواك
بعد ما طير ما طلعلك ريش
تنسى العشرة وتنتسى العيش
مهما تلف الدنيا يا طيرى
مش هاتلاقى حنين غيرى
ليست هناك تعليقات:
إرسال تعليق
ضع تعليق وشاركنا بآرائك