قال يعنى مش واخد باله - شريفة فاضل
كلمات: عبد الله احمد عبد الله | الحان: محمد عبد العليم
عاملى مش واخد باله
وفى ايده سيجارته وفنجاله
وغلبت افوت جمبه ارجع
مرفعش عينيه عن جرناله
قال يعنى مش واخد باله
انا فاهمة كويس حركاته
انا سامعة قلبه ودقاته
انا اراهن انه مستنى
ويوماتى فى الوقت ده زادوا
بيبص لساعته ويتنهد
ويادوب شافنى واتشهد
اول ما لاقانى بصاله
قام ميل يشرب فنجاله
كان لسة عينيه رايحة وجاية
كان فاهم انى منيش جاية
كان قاعد على نار ولقانى
وكأنه بيلاقى لقية
ومسافة لمحة او ثانية
والشوق وداه الناحية التانية
اول ما لقانى بصاله
قام خبى عيونه فى جرناله
قال يعنى مش واخد باله
كان قصدى يقوم ويكلمنى
لكن بيكيدنى ويألمنى
التقل صحيح صنعة ولكن
بعدين ع التقل علمنى
وهافوت من جمبه وانا فى حالى
وملياش دعوة وانا مالى
يتفضل يشرب فنجاله
يتفضل يقرا فى جرناله
قال يعنى مش هاخد بالى
ليست هناك تعليقات:
إرسال تعليق
ضع تعليق وشاركنا بآرائك