نزهة (الجوز الخيل والعربية) - المجموعة
كلمات: عبد الفتاح مصطفى | ألحان: سيد مصطفى
انغامهم كلها حنية
سوق ياسطى لحد الصبحية
على راسى ياهانم وعنيا
الاسطى عاجبنى يامحلا غناه
والدنيا ياروحى ماهيش سايعاه
فرحان بالخيل اللى مانساه
وحياته فى الدنيا هنية
سوق ياسطى لحد الصبحيه
على راسى ياهانم وعنيا
ان شد السرعة بايده يمين
بيحودوا زى البنى ادمين
وان شد شمال
برضك قايمين بواجبهم وشوية
سوق ياسطى لحد الصبحية
خدامك انا والعربية
الجوز الخيل والعربية
انغامهم كلها حنية
بشتغلوا عليهم الالاتييه
- الصورة الغنائية "نزهة / جوز الخيل" عام 1947 -
ليست هناك تعليقات:
إرسال تعليق
ضع تعليق وشاركنا بآرائك