خايف عليه - هانى شاكر
كلمات: فتحى قورة | الحان: بليغ حمدى
Mp3 Format - High Quality - 9.9 MB
خايف عليه ليه يا قلبى ليه
جى النهاردة تخاف عليه
ما فيه كتير قدام عينيه
ولا كنت اغير منهم عليه
جرالك ايه حسيت بأيه
جى النهاردة تخاف عليه
ازاى يا قلب حبيبى ازاى تخون
والحب يرخص ولا يهون
وأنا فى الضلوع مداريه
من كل عين تناديه
يا ريت يا قلبي الخوف ده يكون
بينك وبينه خيال وظنون
ومن انشغالك بيه وكتر حبك فيه
شغلتنى حيرتنى بين آه ولأ توهتنى
بقولك ايه ايه ما يكونش كله وهم ليه
بقولك ايه ايه ما يكونش كله ظن ليه
جرالك ايه حسيت بأيه
جى النهاردة تخاف عليه
خايف عليه ليبص بعيد بعيد
ويسبنى ويا دموعى وحيد وحيد
ويسهرك لياليك ولا صبر ينفع فيك
وبهمسة حلوة ولمسة ايد
ويقول تعال يا حب جديد
انت اللى اوصل بيك
لو كنت بين اياديك
خوفتنى عذبتنى ده حبيبى أنا بيحبنى
بقولك ايه ايه ما يكونش كله وهم ليه
بقولك ايه ايه ما يكونش كله ظن ليه
جرالك ايه حسيت بأيه
جى النهاردة تخاف عليه
لا حد قالك عنه كلام
ولا خان هواك يوم من الأيام
لكن بقى العاشقين فيهم كتير ظالمين
ان ده خوف بس وتفكير
فكر يا قلبى وشك وغير
ما تخافش على الغاليين
أمال تخاف على مين
غلبتنى وجبتنى بين نار وجنة وسيبتنى
بقولك ايه ايه ما يكونش كله وهم ليه
بقولك ايه ايه ما يكونش كله ظن ليه
جرالك ايه حسيت بأيه
جى النهاردة تخاف عليه
- اغانى فيلم "عايشين للحب" 1975 -
ليست هناك تعليقات:
إرسال تعليق
ضع تعليق وشاركنا بآرائك