بلد الحبايب فين - احمد البيضاوى
كلمات: حيدر امام | الحان: احمد البيضاوى
بلد الحبايب فين اروح لهم بدرى
افرح واهنى العين من ضى نور بدرى
حبيبى فاتنى فى نوح وانين
وراح اشكى لمين
والدمع فى عينيا بيجرى
هجرنى وحدى بقاله سنين
مش عارف فين
والقلب مشتاق من بدرى
بعد الرضا قاسى عليا
وهان عليه دمع عينيا
منايا اهنى العين من ضى نور بدرى
بلد الحبايب فين اروح لهم بدرى
فى حسنه بدر جماله جمال
والقلب له مال وبنظرة واحدة محيرنى
بتمنى يوم يعطف بوصال
والبعد ان طال
مين بس يقول يصبرنى
خياله دايماً قدامى
يكون سميرى فى احلامى
منايا اهنى العين من ضى نور بدرى
بلد الحبايب فين اروح لهم بدرى
فين بس قولوا يا ناس الاقيه
اروح اراضيه واشكيله كل اللى جرالى
اروحله فين دلونى عليه
اوصل واراضيه يمكن يرق ويصفالى
والدنيا تصفى وتحلالى
بعد العذاب يرتاح بالى
منايا اهنى العين من ضى نور بدرى
بلد الحبايب فين اروح لهم بدرى
- 1958 -
ليست هناك تعليقات:
إرسال تعليق
ضع تعليق وشاركنا بآرائك