باب الغفران - ليلى مراد
كلمات: محمد مراد فؤاد | الحان: سيد مكاوى
Mp3 Format - High Quality - 4.62 MB
باب الغفران بخمسة أركان بالنور مليان نور إسلامك
وعليه ملكين واقفين الاتنين يستنوا صلاتك وصيامك
وتلاقي الحور داير ما يدور يستنوا أوامرك وكلامك
ياللا يا غفلان باب الرحمن مفتوح على آخره قدامك
ركن التوحيد لله تمجيد يا رب فريد في ملكوتك
والصلاة والصوم فرض ومحتوم إياك وقت يفوتك
وزكاة المال من قرش حلال حتكون من الفايض من قوتك
والحج كمان رحمة وغفران لو تقدر حيزيد إكرامك
ياللا يا غفلان باب الرحمن مفتوح على آخره قدامك
قلبك يرتاح لو كل صباح بتقوم الفجر وبتصليه
راح تبقى سعيد والرزق يزيد والمولى بفضله يبارك فيه
العبد إن تاب يلقى التواب من عند الباب بيرحب بيه
واقرأ القرآن بركة وغفران هو اللي ينور أيامك
ياللا يا غفلان باب الرحمن مفتوح على آخره قدامك
- 1965 -
ليست هناك تعليقات:
إرسال تعليق
ضع تعليق وشاركنا بآرائك