دلوعة متوهانى - محمد قنديل
كلمات: صلاح فايز | الحان: عبد العظيم محمد
Mp3 Format - Normal Quality - 9.26 MB
دلوعى متوهانى فى ليالى من الامانى
توعدنى وتخلى بيا مش مرة ولا مية
معرفش ان حبة منها ولا وخداها غية
من ساعة ما اتقابلنا حسيت بالحب بينا
والنظرة والابتسامة فرشولى السكة حنة
ومشيت ويا الامال سواح غاوى الدلال
ودعنى حبى ليها لبلاد وهم وخيال
ولقيتنى وحدى فيها اناديها مش لاقيها
توعدنى وتخلى بيا مش مرة ولا مية
معرفش ان حبة منها ولا وخداها غية
ياما قالوا الناس حكاوى ع الحب وكتر ويله
وسمعت لالف راوى مواويل الشوق وليله
ملقتش والله لسة موال ولا اى قصة
يوصف حبى وهيامى وعذابى واشتياقى
فى نهارى وفى منامى وفى صبرى ع التلاقى
توعدنى وتخلى بيا مش مرة ولا مية
معرفش ان حبة منها ولا وخداها غية
تقابلنى تقول واحشنى وغلبنى الشوق معاه
لكن اللى كان حايشنى الخوف لحظة لقاه
مقدرش ابعد واخبى لو جت عينى فى عينيه
الاقى دق قلبى وايديا بين ايديه
اسامحها قوام واصدق من غير ما اسال واحقق
توعدنى وتخلى بيا مش مرة ولا مية
معرفش ان حبة منها ولا وخداها غية
- 1965 -
ليست هناك تعليقات:
إرسال تعليق
ضع تعليق وشاركنا بآرائك